Channel 
Contributing € 25
Salvaterra do Minho
- 1 exemplar do livro
- O teu nome nos créditos por meio dum código Qr no livro
Envio incluído no estado espanhol
> 61 Backers
SCD do Condado supera 78% do objetivo mínimo na metade da campanha de micromecenato para a ediçom do livro sobre os 50 anos da associaçom
08 | 06 | 2023
SCD do Condado supera 78% do objetivo mínimo na metade da campanha de micromecenato para a ediçom do livro sobre os 50 anos da associaçom
Vinte dias depois do início a campanha de financiamento na plataforma goteo.org leva recadado 6.350€
Salvaterra do Minho, 08 de junho de 2023.- A SCD do Condado está imersa nestes dias em duas frentes: a organizaçom da 35ª ediçom do Festival da Poesia no Condado, que decorrerá em Salvaterra do Minho o próximo 2 de setembro, e na ediçom dum livro comemorativo sobre os 50 anos da associaçom, um trabalho que plasme os aspectos mais destacáveis da trajetória deste coletivo, assim como refletir a sua incidência na comarca do Condado e arredores.
Para conseguir o financiamento da ediçom do livro a SCD do Condado lançava o passado 19 de maio na plataforma Goteo umha campanha de micromecenato que já superou nos primeiros 20 dias os 6.480 euros. Restam outros vinte dias para chegar ao objetivo mínimo marcado (8.235€) e afrontar os custos de ediçom, diagramaçom, correçom e recompensas. No caso de superar este objetivo haverá outros 40 dias por diante para chegar ao objetivo ótimo que som 9.235€.
Lembramos que o livro que estamos a preparar terá umha extensom aproximada de 250 páginas, que incluirám reproduçons de textos históricos, um importante apartado de documentaçom gráfica a partir de fotografias de todas as etapas da associaçom e umha parte central que acompanhará o desenvolvimento da SCD ao longo dos 50 anos que acabamos de cumprir.
A previsom é que entre no prelo nas primeiras semanas do mês de julho para poder apresentá-lo o 25 de julho, Dia da Pátria. E nos dias seguintes começar a enviar as recompensas.
O livro dividirá-se em três apartados. O primeiro deles contará com textos de Marga do Val, Margarita Ledo, José Viale Moutinho, Gustavo Luca, Iñigo Aranbarri e Jose Luis Otamendi, Manuel Rivas, Ricardo Gurriarán e da própria SCD, dando forma a um limiar coral com personalidades destacadas na história da SCD Condado.
A parte central do livro leva por título “50 anos de resistência cultural” e está escrito polo jornalista e membro da SCD, Carlos Barros González, que realiza umha crónica histórica do percurso da Cultural do Condado desde a sua fundaçom até a actualidade, a partir de testemunhos orais, hemeroteca e documentos internos. Sacando à luz feitos históricos transcendentais para a comarca mas pouco conhecidos nos nossos dias, nos quais a SCD Condado tivo um papel protagonista.
O último apartado contará com umha escolma de 50 poemas das 34 passadas ediçons do Festival da Poesia, um por cada ano de história da SCD, elaborada por Ana Salgado, Isaac Lourido e Daniel Salgado, assim como umha listagem com os nomes de todos e todas as poetas participantes na nossa festa desde a primeira ediçom. Também, um artigo de Xian Naia com a sua cartografia da experiência militante do Festival da Poesia, e um conto inédito de Manolo Soto “O Rata” comentado por Raquel Castro, para concluir com um epílogo escrito por Xurxo Souto.
Um livro que passará a formar parte da bibliografía da nossa história de construçom nacional.
Pode-se colaborar na campanha de micromecenato na seguinte ligaçom: https://www.goteo.org/project/1973-2023-50-anos-de-resistencia-cultural
Comments
Inicia sesión para dejar un comentario