Channel 
Contributing € 10
Thanks, postcard and invitation
We appreciate it on the web, you download the postcard with the logo and we invite you to the opening party.
> 37 Backers
Disfrutamos no V Encontro de ORQX, en Xixirín
05 | 04 | 2016
Unha vez máis, do 11 ao 13 de marzo en Xixirín, disfrutamos da xente participando no V Encontro de O RURAL QUERE XENTE...
- O Rural Quere Xente? E iso qué raio é?
- ORQX non é fácil de definir. Non é unha organización pero se organiza. Non é un movemento pero se move. Non quere medrar pero se expande. Non pretende o poder pero si o empoderamento da xente. Non sei cómo explicalo, pero vouno intentar:
ORQX nace tras as primeiras Xornadas Rurais, celebradas na Eira da Xoana en febreiro de 2014. Convocadas por dúas persoas que desenvolven cadanseu proxecto de vida no rural e comparten inquedanzas en canto a agroecoloxía, transformación social, país... e coinciden no Lusco e fusco. Nestas xornadas falamos de muller e ruralidade, de comunitarismo e de economías. Asumimos como riqueza a diversidade tanto das persoas e iniciativas como do propio rural galego. Compartimos o respeto ás persoas e á terra e a necesidade de transformación hacia unha sociedade máis xusta e equitativa. E sentimos a necesidade de facer rede, dándolle continuidade á iniciativa no verán.
En xullo organizamos o encontro O Rural Quere Xente en Ernes (Negueira de Muñiz), onde máis de cen persoas nos formamos nos distintos obradoiros, reflexionamos e debatimos sobre aspectos importantes da vida no rural e, o máis importante, vivenciamos o desexo de sentirnos e de transformar as nosas capacidades individuais en capacidades colectivas.
Tras Ernes chegou Paraños: íase consolidando a rede e seguía a sumarse xente. Falamos de apoio mutuo e de xerar capacidades para crear nun entorno represivo. Aínda que incorporamos ferramentas dixitais, como a web, o verdadeiro sentido da rede segue a ser o de sentirnos entre nós.
No verán do 2015, en Saumede, intentamos favorecer o encontro de xentes interesadas en diferentes eidos, que concretamos nos seguintes apartados: "as outras escolas", "na procura doutras relacións económicas" e "alternativas e resistencias ao heteropatriarcado".
En Xixirín segue a incorporarse xente e celebramos a evolución de aqueles espazos propostos en Saumede, "as irmás de ORQX": Rede de educación galega en transición e o Encontro de proxectos sustentabeis. Tamén incorporamos ás xentes do mar e ás paisanas (as persoas que fan o país).
Ao meu entender, O Rural Quere Xente ven sendo un espazo de encontro e apoio entre persoas e iniciativas construído de xeito horizontal entre todas.
No vindeiro encontro deste verán en Xestas priorizaremos, coma sempre, o encontro entre as persoas. Haberá obradoiros, reflexións... en realidade, como o facemos de xeito participativo, será o que nós queiramos.
Bicos (que son mediciña)
Salva
Comments
Inicia sesión para dejar un comentario