La Güerta Monga - De la semiente a la raíz

1Round Remaining 17 days
Now 4 the optimum
Received
€ 12.876
Minimum
€ 10.000
Optimum
€ 35.000
150 Backers
Contributing € 10
Cucha y gana

Agradecimientos na güeb+sortéu cesta con productos ecolóxicos de la nuestra güerta
¿Sabes qu'esta aportación desgrava? Míralo equí

> 20 Backers
Contributing € 25
Una palada cuchu

agradecimientu+sortéu cesta+visita a la finca+llibretina pa garrar apuntes
¿Sabes qu'esta aportación desgrava? Míralo equí

> 23 Backers
Contributing € 40
cucha un pumar y da-y mimos

agradecimientu+sortéu cesta+visita+llibretina+primeros 5kg de mazana (plazu aprosimáu d'entrega 3 años)
¿Sabes qu'esta aportación desgrava? Míralo equí

> 07 Backers
Contributing € 55
cucha un nozal y siéntate a esperar

agradecimientu+sortéu cesta+visita+llibretina+primeros 4kg de nueces(plazu aprosimáu d'entrega 5 años)
¿Sabes qu'esta aportación desgrava? Míralo equí

> 07 Backers
Contributing € 60
Un carretillu cuchu pa celebralo

agradecimientu+sortéu cesta+visita+llibretina+espicha d'inauguración de la nave
¿Sabes qu'esta aportación desgrava? Míralo equí

> 25 Backers
Contributing € 80
una parva cuchu

agradecimientu+visita+llibretina+cesta de productos ecolóxicos de la nuestra güerta
¿Sabes qu'esta aportación desgrava? Míralo equí

> 11 Backers
Contributing € 120
un tractoráu de cuchu

agradecimientu+visita+llibretina+espicha+cesta de productos ecolóxicos de la güerta
¿Sabes qu'esta aportación desgrava? Míralo equí

> 10 Backers
Contributing € 150
Comer y cuchar ye too empezar

agradecimientos+visita+llibretina+espicha+cesta+semiente de delles de les variedaes tradicionales que cultivamos (arbeyos, vaines, calabacín, calabazón, fabes de mayu...)
¿Sabes qu'esta aportación desgrava? Míralo equí

> 11 Backers
Contributing € 200
Cuchando con amigues

agradecimientos+visita+llibretina+espicha+cesta+semiente de delles de les variedaes tradicionales que cultivamos (arbeyos, vaines, calabacín, calabazón, fabes de mayu...)+llibru "Diariu d'una campesina" de Laura Ibarra o discu de Zarzamora
¿Sabes qu'esta aportación desgrava? Míralo equí

> 05 Backers
Contributing € 500
Dios y el cuchu puen munchu, pero sobre tou, el cuchu

agradecimientu+visita a la finca+llibretina+espicha+4cestes de productos+semiente de delles de les variedaes tradicionales que cultivamos (arbeyos, vaines, calabacín, calabazón, fabes de mayu...)
¿Sabes qu'esta aportación desgrava? Míralo equí

> 03 Backers

About this project

Somos un proyectu de güerta ecolóxica familiar; queremos contribuir a revitalizar el campu; buscamos una forma de vida sostenible.
Infrastructure Minimum Optimum
primera fase nave-almacén
Con esto podremos poner los cimientos de lo que va ser la nave
€ 10.000
Cámara de fríu
Cámara pa poder da-yos más vida a dalgunes frutes y verdures
€ 9.000
Llagar
Una prensa pa poder mayar la mazana pa la sidra'l duernu y la vinagre
€ 6.000
Plaques solares y bateríes
Plaques fotovoltaiques y bateríes pa poder almacenar la enerxía
€ 10.000
Total € 10.000 € 35.000
Necessary
Supplemental

General information

Depués de 6 años nuna cooperativa agroecolóxica y formar una familia, cola llegada de la nuestra fía Dulia va casi 3 años, decidimos dar el saltu y mercamos una finca nel llugar de Monga (conceyu Nava) a finales del 2020 pa entamar un proyectu propiu de güerta ecolóxica de temporada y diversificada, qu'aprovecha les canales cortes de comercialización col envís d'humanizar les relaciones productora-consumidora.
Na primavera del 2021, la finca na que 40 años atrás coesistíen lúpulu y tabacu, volvía ver cómo de la so tierra medraben otres plantes y frutos. La Güerta Monga compónse de 1.200 m2 cubiertos repartíos en 4 ivernaderos de los que nesti branu yá coyimos los primeros tomates, pimientos o berenxenes y d'otros 6000m2 albentestate nos que punxemos coles, puerros, calabacinos... La superficie restante vien siendo mantenida por otres compañeres nueves nesta aventura: media docena d'oveyes xaldes, una yegua y dos burrines son les encargaes de les xeres de desbroce y abonáu.
Pero amás de la finca principal, La Güerta Monga ta formada por otres dos finques: La Vallina nel llugar de Sienra (conceyu Nava) que va tar dedicada a frutales y Socabanas nel llugar de Cabanas (conceyu Tinéu) na que tenemos el patateru, el cebolleru, 100 nozales y 40 pumares de mesa.
Creemos na venta directa ensin intermediarios como la primer midida pa dignificar la nuestra profesión, amás que nos presta pola vida pone-y cara a les persones que-y dan aire a esti proyectu. Tenemos dos víes de venta: nel mercáu de La Pola (Siero) tolos martes y la venta na finca.
Valoramos la venta en places municipales como una apuesta política que ye necesaria pa dar visibilización al campesináu y la necesidá d'ocupar los espacios públicos qu'a poquiñinos van arramplándonos. Y d'otra manera, préstanos tener un día de "puertes abiertes" nel que la xente venga a mercar la nuestra verdura, visitar la finca, preguntar y compartir. Ye por ello que necesitamos un espaciu nel que recibivos pero tamién nel qu'almacenar la producción o nel qu'abellugar la ferramienta y maquinaria.

Description of the project. Main features, strengths and differentials.

Los nuestros valores fundaméntense nos pegollos que siguen darréu:

  • Soberanía Alimentaria.
  • Apoyu Mutuu.
  • Identidá Cultural.
  • Responsabilidá Ambiental.

La Güerta Monga ye una apuesta agroecolóxica diversificada en tres exes:

  • Güerta de temporada.
  • Frutales: Mazana, pera, fresa, nuez.
  • Tresformaos: Sidra'l duernu, zumu de mazana y vinagre de mazana madre.

Asina ye que l'oxetivu d'esta campaña ye la financiación de la primer fase pa la construcción d'una nave enerxéticamente autosuficiente que nos facilite'l trabayu, favoreza la conservación de la nuestra producción d'una manera sostenible y respetuosa col mediu ambiente, amás de poder facer los tresformaos que pretendemos.

Why this is important

Somos la primer xeneración que nun se crió nel campu. Ye por ello que sentimos la necesidá de facer xusticia coles nuestres families, toes elles campesines. Por eso la vuelta a la tierra, a los oríxenes, al oficiu de campesina, a los tiempos de la naturaleza, a reencontranos con ella y cola xente que valora lo que come, qu'aprecia'l nuestru trabayu y el llabor que facemos les persones que mantenemos el campu d'Asturies vivu.

Team and experience

Paula, estudió maxisteriu por Música pa depués especializase en Llingua Asturiana. Trabayó de maestra d'asturianu cuatro años hasta qu'entamó na cooperativa agroecolóxica d'El Nocéu nel 2015 de la que formó parte hasta la so disolución.
Xosé Antón, ye llicenciáu en Química pola Universidá d'Uviéu y formó parte de la cooperativa d'El Nocéu dende'l so iniciu hasta'l so fin.
Dulia ye'l motor que fai que too esto sía una realidá.

Social commitment